Toqqissisimasumik meeraaneq
pitsaasumillu siunissaqarneq
Kalaallit meeqqat inuusuttullu tamarmik pitsaasumik inuuneqarnissaminnik pisinnaatitaaffeqarput. Sumiinnertik apeqqutaatinnagu.
Kalaallit meeqqat inuusuttullu tamarmik toqqissisimasumik pitsaasumillu meeqqatut inuuneqarnissaat qularnaarniarlugu sulivugut. Kattuffinnik kisiartaalluta Kalaallit Nunaanni Danmarkimilu assigiimmik meeqqat kalaallit atugarliulernissaminnut ulorianartorsiortut aallutarivagut, ukiunilu 100-ngajanni misilittakkavut tunngavigalugit, immikkut ilisimasat meeqqat unamminartuni atugarisaanni naaperiarnissaannut pisariaqartut pigilernikuullutigit. Suliagut pillugit ataani annertunerusunik paasissutissaqarpoq.
Illersorteqarnissat pisariaqartippiuk?
”Nasjorti” tassaavoq inersimasoq, oqartussaasunut attaveqarninni ikiuussinnaasoq, kommunimillu ataatsimeeqateqarninni peqatigisinnaasat.
Meeraavit inuusuttuvilluunniit, ikiorserneqarnissallu pisariaqartippiuk?
Uunga sianerit: 290028. Akeqanngilaq.
Meeqqat erinarsuutaat
Sisi tassaavoq meeqqanut kalaallinut angerlarsimaffimmik avataanut, Danmarkimi ilaqutariinnit paarsisartuni paaqqinniffinniluunniit inissitanut attaveqaat. Meeqqat sapaatip-akunnerata naanerini aasaaneranilu tammaarsimaafinni katerisimaartinneqartarput, tamatumanilu meeqqat nuannisaqatigiinnissamut periarfissaqartarput, ilutigisaanillu angerlarsimaffimmik avataanut inissinneqarnikkut annaasaqartutut misiginerit isummersorfigalugit suliarisinnaallugit.. Ataatsimooqatigiinneq meeqqat Sisi-mi misigisaat erinarsuusiornermik nassataqarpoq. Erinarsuut tusarnaaruk uani.
Uagutsinnut tunngasut
Maannakkorpiaq suliniutigut arfineq marlut aamma namminneq kajumissutsimikkut sulisut 100-ngajaat aqqutigalugit, Kalaallit Nunaanni illoqarfinni nunaqarfinnilu tamaniippugut, taamatullu Københavnimi, Århusimi, Aalborgimi, Esbjergimi Vejle-milu suliniuteqarluta. Ukkiut tamaasa Kalaallit Meerartaat meeqqanut inuusuttunullu 1100-nik amerlanernut taakkulu ilaqutaannut annguttarpoq. Suliniutigut assigiinngisitaaqaat, meeqqat inuusuttullu 0-imiit 23-nut ukiullit taakkualu ilaqutaat ilaatinneqartarlutik. Assersuutigalugu 2022-mi 248-eriarluta katerisimaartitsivugut, soorlu sapaatip-akunnerisa naanerani angalanerit, nereqatigiissitsinerit unnukkorsiuaaqatigiinnerillu, aamma 800 sinnerlugu sulisutta aamma meeqqat inuusuttullu akornanni ataasiakkaaraluta sammisaqartitsivugut, assersuutigalugu atuarfimmi suliassanik ikiorsiinerit, ataatsimiinnerni illersuisuunerit il.il.
Sammisartakkavut ingerlaavartuupput, sumiiffinnit ataasiakkaanit aallaaveqarlutik sullissatsinnilu – taakkulu peqatigalugit – ataavartumik allanngunissamut sammisuullutik. Kallaallit Nunaanni meeqqat kalaallillu ilaqutariit Danmarkimiittut atugarissaarnerulernissaa angussagutsigu, uteriilluni kimigiiserlunilu suliniuteqarnissaq pisariaqarpoq, taamaaliorsinnaavugullumi kisimiinnginnerput pissutigalugu. Suliniuteqarnitsinni inuinnarnit, suliffeqarfinnit, kattuffinnit, pisortat suliffeqarfiinit minnerunngitsumillu aningaasaateqarfinnit namminersortunit taperserneqarnissarput pinngitsoorsinnaanngilarput.
Nutaarsiassat kingulliit
