Esbjergimi nammineq kajumissutsinnik sulisoorusuppit?
Namminneq kajumissutsimikkut sulisut Kalaallit Meerartaanni pingaaruteqaqaat
”Takusinnaavara meeqqat ataatsimooqatigiinneq pissarsiaqaatigisaraat. Aamma uanga taamaappunga, imminut pillunga naleqartitakkalu pillugit ilisimasaqarnerulersarama.”
Taama oqarpoq Trine, ukiut qulingiluat sinnerlugit Kalaallit Meerartaanni nammineq kajumssutsimigut sulinikoq. Namminneq kajumissutsimikkut sulisut Kalaallit Meerartaasa sulineranni pingaaruteqaqaat. Maannakkorpiaq Esbjergimi namminneq kajumissutsimikkut sulisussanik pissarsiorpugut.
Suliassat makkua ilaat ilinnut naapertuuppa?
Ukiumut sisamariarluni nereqatigiittarnerni nerisassioqataarusuppit? Inuit 3-4-aalluta inunnut 30-45-nut ikioqatigiilluta nerisassiortarpugut. ’Familiens Hus’-imiittarpugut, tassanilu igaffeqarpoq. Nal. 15 naapittarpugut nal. 17.30 missaani nerisarluta. Torersaareerluta nal. 19 missaani naammassisarpugut.
Fanø-liaqataarusuppit? Ukiumut sapaatip-akunnerata naanerini 4-6-ini nammineq kajumissutsimigut peqataasussamik suleqatissarsiorpugut. Meeqqat 8-nik 16-inut ukiullit 19-iuvugut inersimasullu 5-6-iusarluta. Fanø-miikulasarpugut, tassanilu igasoqartarpugut, aammali Skærbæk-iliartarpugut, tassanilu illuaqqanik attartorluta nammineerluta nerisassiortarluta.
Meeqqanut 8-niit 15-inut ukiulinnut klubbitsinni peqataarusuppit? Ukiumut 6-8-riarluta meeqqanut klubbertitsisarpugut. Meeqqat 16-it missaanniipput, atorfillit marluk illillu ilannguteriaannaavutit, taava meeqqat naapittassavatit nal. 16 missaani sammisaqartillugillu assersuutigalugu City Jump, sissamukarlusi, cricket-erlusi imaluunniit tatsimi ’Lergravssøen’-imi aalisarlusi, aamma unnukkut nereqatigiittarpugut. Nal. 19 missaani naammassisarpugut.
Nammineq kajumissutsimik suliffissat pillugit apeqqutissaqaruit meeqqanut ilaqutariinnullu ilitsersuisartoq Charlotte Pallesen allaffigiuk sianerfigaluguluunniit. Mailikkut: cp@fgb.dk imaluunniit oqarasuaatikkut: +45 5134 6895
Esbjergimi suliniutigut pillugit annertunerusumik atuagassaqarpoq uani
