Camp Nuan qanimut
Aasaq manna Kullorsuarmi Nanortalimmilu aasarsiortitsisoqarpoq. Aasarsiortitsinerit ingerlanneqartarput Kalaallit Meerartaasa, najukkaminni inuiaqatigiit – aasarsiortitsinerit ingerlanneqarfiiniittut – aamma namminneq kajumissutsimikkut sulisut pikkorilluinnartut suleqatigiinnerisigut. Inuusuttut nunanit tamalaaneersut najukkami namminneq kajumissutsimikkut sulisunik suleqateqartarput, tamarmillu aasaq meeqqanut inuusuttunut sumiiffimmilu najugaqartunut puigunaatsuutinniarlugu sulilluangaartarput.
Aasarsiortitsineq meeqqanut sumiiffimmullu qanoq kinguneqarsinnaava? Namminneq kajumissutsimikkut sulisut qanorpiaq sulisarpat – qanorlu pisoqartarpa aallaqqaataaniit eqqarsaatit isumassarsiallu piviusunngortinneqarlutik aasarsiortitsineq ingerlaleraangat?
Tobias Stidsen nammineq kajumissutsimigut sulisutut Nanortalimmi ’Camp Nuan’-imi peqataavoq. Aasarsiornerup nalaani meeqqat namminnerlu kajumissutsimikkut sulisut sammisaqarnerini filmiliarivai. Tamatumalu inernerivaa ’Camp Nuan 2024’ pillugu naliitsumik paasititsineq ilisaritsinerlu.
Filmi ataani takuuk