Tammaarsimaaqataarusuppit?
Kalaallit Meerartaat Qaanaami aamma Kangaamiuni aasaanerani tammaarsimaartitsinermi pisortassanik marlunnik namminneq kajumissutsimikkut peqataasussanik sulisussarsiorpoq, kalaallisut, qallunaatut tuluttullu oqalussinnaasunik.
25-t 55-illu akornanni ukioqarpit, kalaallillu meeqqat aasaaneranii atuanngiffiup nalaani sapaatip-akunnerini sisamani pilersitsiffiusunik, timersuutinik silamilu sammisaqartinneqarnerinut aqutsisoorusuppit? Najukkami inuiaqatigiit nunarsuullu avataaniittup akornanni attavileeqataarusuppit – namminnerlu kajumissusertik naapertorlugu nunarsuarmit tamarmit sulisut, meeqqat inuusuttullu kalaallit nuannersumik aasarsiornisaannik anguniagaqartut pisortaaffigerusuppigit?
Kalaallit Meerartaat 2014-imiilli Kalaallit Nunaanni illoqarfinni nunaqarfinnilu meeqqanut inuusuttunullu aasaanerani tammaarsimaartitsisarpoq, ukioq mannalu Qaanaami Kangaamiunilu tammaarsimaartitsissaagut.Ingerlatsinerit tamarmik juunip naalerneraniit/juulip aallartinneraniit juulip qiteqquneranut/naaneranut pissapput.
Nammineq kajumissuseq naapertorlugu sulineq akissarsissutigineqarneq ajorpoq, kisianni timmisartumut bilitsinut, angallatinik angalanermut, nerisaqarnermut ineqarnermullu aningaasartuutit akilerneqassapput.
April/maajimi Københavnimi imaluunniit Kangerlussuarmi pikkorissarnermut peqataasinnaassaatit.
Annertunerusunik paasisaqarnissat soqutigaajuk? Suliniummi pisortaq Gunver Justesen emailerfigiuk: gj@fgb.dk
2021-mi aasakkut Kuluk Helms Kullorsuarmi aasaanerani tammaarsimaarnermi nammineq kajumissutsinik sulisuulluni pisortaavoq. Ataatsimooqatigiinneq tammaarsimaaqatigiinnermi pinngortoq Kulummut puigunaannerpaanut ilaavoq.
”Isumaqarpunga meeqqanik inuusuttunillu nuannersumik misigisaqartitsinissamik tamanit kissaataasoq, ataatsimooqatigiilluarnermik Kullorsuarmi misigisannik pilersitsisuusoq. Kullorsuarmi namminneq kajumissutsimikkut sulisunit tupinnaannartumik ammasumik inussiarnisaarfigineqangaarlutalu tikilluaqqusaavugut. Camp Kullup iluatsinnissaanut nukitik tamaasa atorpaat. Tamanna peqataaffigalugu kajummissuseqalissutaallunilu nuanningaarpoq”.
Kullorsuarmi tammaarsimaarnermi nammineq kajumissutsimigut peqataalluni pisortatut sulinerminit Kuluup misigisai pillugit allaaserisaq tamaat atuaruk uani