Tammaarsimaarnerit malunnaateqarluarput
Aasaq manna tammaarsimaarnerit aasarsiornerillu amerlalluinnarput – sooq?Naatsumik akissagaanni: pisariaqartinneqaratta. Assersuutigalugu aasaq manna Kalaallit Nunaanni marlunnik tammaarsimaartitsivugut. Paamiuni tammaarsimaarneq ingerlanneqarpoq Kommuneqarfik Sermersuumiit saaffigineqarnitta kingorna, kissaatigimmaasuk Paamiunukarnissarput. Kalaallit Nunaanni aasakkut tammaarsimaartitsinigut qularutissaanngitsumik iluatsilluarput. Namminneq kajumissutsiminnik sulisut nunarsuarmit tamarmeersut 20-t angullugit peqataatippagut. Tammaarsimaartitsinerit Mellemfolkeligt Samvirke suleqatigalugu ingerlanneqarput, assullu alutorineqarajuttarlutik, meerarpassuarnik peqataaffigineqartarlutik. Taamaalilluni tammaarsimaartitsineq illoqarfimmut minnerunngitsumillu illoqarfiup meerartaanut nukittorsaataavoq.Kalaallit Nunaanni aasakkut tammaarsimaartitsigaagatta qaammat ataaseq qaangiuttorlu naammassisarput. Taavami?Tammaarsimaartitsineq ingerlatsineruvoq maannakkorpiaq pisoq, kisianni suleriaatsitsigut kingunissaliisarpugut, taamaalillunilu tammaarsimaarneq pitsaasunik allanik aallartitsisinnaasarluni. Kalaallit Nunaanni aasakkut tammaarsimaartitsigaangatta assersuutigalugu angajoqqaat inersimasullu allat illoqarfimmi najugallit aggersartarpagut, ingerlassatsinnut peqataaqqullugit. Taamaaliortarpugut eqqarsarluta tassuunakkut suliap ingerlateqqinnissaa tunngavissillutigu. Illoqarfiit ilaanni tamanna ingerlalluartarpoq, allanili ajornakusoornerulluni. Kisianni neriuutigaarput tammaarsimaartitsisarnerit illoqarfimmi najugalinnit isumassarsiorfiusassasut, meerartaannut iluaqutaasussamik.Sooq tammaarsimaartitsillutalu aasarsiortitsisarpugut?Tammaarsimaarfinni aasarsiorfinnilu meeqqat sivisuumik qanimut ilagineqartarput. Tassuunakkut allatigut oqaloqatigiinnissat ammaanneqartarput, meeqqallu allatut iliorluni tapersernissaa periarfissaqalersarluni. Assersuutigalugu ukioq manna Dansk Folkehjælpimit taperneqarnerput pissutigalugu inuusuttut tammaarsimaartissinnaasimavagut, kalaallit inuusuttut Danmarkimit tamarmeersut peqataaffigisaannik. Taamaaliornikkut attaveqaatit pilersinneqartarput, perorsaanikkullu sulianut ingerlareersunut ikorfartuutaallutik. Taakku tassaapput inuusuttut ukiuni arlalinni sullitagut, inuusuttullu taakku inersimasut ulluinnarisaminnit ilisarisimavaat. Soorunami Kalaallit Nunaanni tammaarsimaartitsigaagatta assinganik ingerlaavartitsisinnaasanngilagut, kisianni misigisarparput tammaarsimaartitsinerit taakku aamma tassaasut ”anersaartorfissat” pingaarutillit meeqqanut pingaarutilimmik sunniuteqartartut.Tammaarsimaarnernut aasarsiornernullu peqataaneq meeqqanut qanoq pingaaruteqartigiva?Aasartorlu meeqqat ilaqutariinniit pigissaannginnerusuneersut paasilersarpaat, namminneq ikinngutimik ilaasulli nuannersorpassuit akisuullu peqataaffigisinnaanagit. Tamatumani pingaartuuvoq meeqqat atuanngiffeqarnerminni angalasinnaanngitsut iliuuseqarfiginissaat peqataaffigisaratsigu – taakkumi aamma allaanerusunik misigisaqarnissaq ulluinnarisanillu qasuersilaarnissaq pisariaqartippaat. Meeqqat aasarsiornermut imaluunniit tammaarsimaarnermut peqataagaangamik, misigisassarinngisaraluaminnik misigisaqartarput, aasakkullu atuanngiffiup kingorna uterunik misigisarpassuatik pillugit oqaluttuarsinnaalersarlutik. Tamanna aamma pingaartuuvoq.
Kalaallit Nunaanni aasaq manna tammaarsimaarnerit: Camp East (Ittoqqortoormiit): 12. juli – 8. august aamma Camp West (Paamiut): 14. juli – 9. augustAasaq manna Kalaallit Nunaanni tammaarsimaarnernit assit amerlanerit uani takukkithttps://fgb.dk/gl/nyheder/aasarsiorneq-kangianiit-kitaanut/