Meeqqat inuusuttuaqqallu immikkorluinnaq aasaanerani atuanngiffeqartut: Aalborgimiit Qasigiannguanut
Timmisartoq Kangerlussuarmut nunnissimatsiaannartoq, meeqqat Kalaallit Nunaat alutorsaatigilerpaat – ilaasa takoqqilerlugu allalli apeqqutissaqarfiginerullugu. Jeppe Bülow Sørensen Aalborgimi suleqatigiinnik aqutsisuuvoq, Qasigiannguanullu ilaalluni: ”Kangerlussuarmut pigaanni timaaniippoq qaqqakullassuaq, sekuntialunnguillu qaangiutiinnartut meeqqat majualereerput, aamma ingerlaannaq kioskiliaapput, sodavandit taamaallaat Kalaallit Nunaanni pisiarineqarsinnaasunik puiaasartallit pigineraat takuniarlugu”. 
Kalaallit Nunaannit eqqaamasat assigiinngitsutMeeqqat ”Sisi”-mut peqataasut kalaallinik angajoqqaaqarput, kisiannili Danmarkimi paaqqinnittarfinniillutik qallunaanilluunniit angajoqqaarsiaqarlutik. Ilaat Kalaallit Nunaanniit eqqaamasaqanngillat imaluunniit annikitsuinnarnik eqqaamasaqarlutik. Ataasiakkaat kalaallisut paasisinnaapput oqalulaartarlutillu. ”Misigisaq angeqaaq, takullugu peqataasut angajulliit ilaat allaanngimmata ingerlaannaq angerlamut apuuttut. Qaqqaliarluni aallaaniarneq assut alutorivaat, annermillu nukappiaqqat ilaat, amerlanertigut eqiasukujuttaraluartoq, immikkorluinnaq uummaarissivoq, nuannaaqaluni, sammisaqartitsinitsinni siulliusarluni, ilaminullu maligassiuilluarluni. Kalaallit Nunaanniinnerata qanoq sunnerneraa misigalugu nuanneqaaq. Angerlartutut misigilluinnarpoq”. Apeqquterpassuit nalaattarpaatTamarmik angerlartutut misiginngillat. Ilaannut tassaaneruvoq Kalaallit Nunaannit kingoqqinerup paasiniaaffiginera, nunallu taamaallaat oqaluttuarsiarisartakkap takulernera. ”Soorunami peqataasut paarilluarnissaat eqeersimaarfigaarput, kisiannili tikilluaqqusaagaarpugut,, isumaqarpungalu peqataasut tamarmik angalanerminnit misigisaqarluartut. Naak meeqqat inuusuttuaqqallu kalaaliussuserminnut naleqqiullugu assigiinngitsunik pissuseqaraluarlutik, tamarmik ataatsimooruppaat ulluinnarni apersorneqartuartarnertik, akissutissaannillu inunnit qanitarisaminnit ikiorneqarsinnaasannginnertik. Tamatumani meeqqat inuusuttuaqqallu ”Sisi”-mut peqataasut allat minnerunngitsumillu namminneq kajumissutsimikkut ikiuuttut pingaaruteqarluinnarput. Inuusuttut namminneq kajumissutsiminnik ”Sisi”-mut peqataasut aamma Qasigiannguaneeqataapput, naliitsuullutillu. Tunuliaqutarisamikkut ”Sisi”-mut peqataasut assigaat, meeqqallu ”Sisi”-mut peqataasut pissusissamisuuginnartumik apeqqutigisartakaminnut akissutissarsiniarnerini ikiorsinnaalluarlugit”.
MalitseqartitsisoqassaaqAngerlamut utersimalernermini Jeppe isumaqarpoq angalalluarsimaqalutik: ”Maanna angerlamut apuuteqqammerpugut, maannalu tullinnguupput meeqqani inuusuttunilu aallarnerneqarsimasinnaasunik malitseqartinnissaat. Kisianni ilumut isumaqarpunga taamatut angalatitsineq annertuumik pingaarutilimmillu kinguneqassasoq. Neriunarpoq angalanerup peqataasut kikkuunerminnik paasisaqartillugillu tulluusimaartilersimassagai, tamannami pisariaqartinneqarluinnarpoq, meeraagaanni angerlarsimaffiup avataanut inissitaasimasoq, arlaatigullu piumaneqanngitsutut misigisimasoq, Jeppe naggasiivoq.