Kalaallit Nunaanni tamarmi meeqqanut inuusuttunullu allanngueqataarusuppit – Najortitut ilinniarit Aasianni, Qaqortumi Ilulissanilu?
Najortit tassaapput inersimasut, ilinniarsimasut makkulu suliarineranni akissarsiaqartinneqartartut:
- Meeraq sinnerlugu saqummiineq, nammineq isummaminik inersimasulluunniit allat isumaannik saqqummiinani
- Meeqqap kommunimik ataatsimeeqateqarnerani meeqqamik tapersersuineq, piareersaanermi peqataanermilu
- Meeqqap kissaatiminik pisariaqartitaminillu erseqqissaanissaanik ikiorsiineq
Najortiussaguit:
- Kalaallit qallunaallu oqaasii attaveqaatitut atorsinnaassavatit aammalu nalinginnaasumik oqallorissuullutillu saqqummiillaqqittuussaallutit
- Meeqqat inuusuttullu artornartorsiornerini allanngueqataanissamut piumassuseqassaatit
- Suliamut tunngatillugu ilisimasassat nutaat ilinniarnissaannut kajumissuseqassaatit, pineqartullu iluani periutsit pitsaanerpaat inerisarnissaannut peqataallutit
- Nammineerlutit sulisinnaassariaqarputit
- Tarnikkut nakimaatsuussaatit
- Pineqaatissinneqarsimanermut uppernarsaat takutissinnaasaruarpoq
- Meeqqanik pinerliisimannginnermut uppernarsaat aatsaat pissarsereerpat atorfinitsitsineq aallartinneqarsinnaavoq
Ilinniagaqarsimanissamut tunngatillugu pisortatigoortunik piumasaqaateqartoqanngilaq. Atorfik isumaginninnermi siunnersortinut, sulianik suliaqartartunut, perorsaasunut, ilinniartitsisunut allanullu meeqqanik sullissinermik inatsisilerinermilluunniit misilittagalinnut tulluartuussaaq. Aasianneersut Ilulissaneersullu ilinniartinneqassapput 9.-12. november Qaqortumeersullu 21.-24. november.Matumani pineqanngilaq piffissaq tamaat suliffik, Najortitullu sulissaguit maanna atorfigisannit sulinngiffeqarsinnaasariaqartassatit. Kommunimi meeqqanik illersuisartussatut toqqagaaguit, sulinerit inuiaqatigiinnik sullissinermut malittarisassat ataanni inissisimassaaq.Najortinut ilaarusukkuit imminut tunuliaqutarisatillu naatsumik oqaluttuaralugit uunga nassiutikkit: Jane Sørensen, email: js@fgb.dk. Qinnuteqarfissaq ulloq kingulleq 1 nov. Tlf: 58 11 10Annertunerusunik paasisaqarusukkuit nittartagaq una alakkarsinnaavat: https://fgb.dk/gl/najorti-kal/.