Meeqqat Jane-mut sianertarput

”Atorfik nangaanngivillunga qinnutigivara ", Jane oqarpoq. "Meeqqanik illersuisoqartitsisarneq ”Najorti” meeqqap pisinnaatitaaffiinik qularnaarinissamik siunertaqarpoq, uangalu aaqqissuussinnerup ilisimaneqarnerunissaanut peqataarusuppunga, meeqqanut tamatumunnga pisinnaatitaaffeqartunut ikiorserneqarnissaq ajornannginneruleqqullugu.Najortinut ataqatigiissaarisutut Jane taannaavoq, meeqqat najortimik pisariaqartitsinerminni sianerfigisartagaat. Kisianni nalinginnaasumik suunuku meeqqat oqallisigiumallugit siarngutigisaraat? Jane oqaluttuarpoq: "Imaassinnaavoq meeraq angerlarsimaffimmi  avataanut inissinneqarsimasoq, angerlarnissaminilli kissaateqarluni, imaluunniit meeraq inuusuttorluunniit angerlarsimaffimmini atugarliortoq, ajornartorsiutimilu qaangernissaannut ikiorneqarnissaminik pisariaqartitsilluni - imaluunniit angerlarsimafimminik qimatserusuttoq. Uanga isumagisarpara najortimut attaveqalernissaat, tassanngaanniillu taassuma meeraq ikiortarpaa ". Jane-mut sianersinnaanermik saniatigut meeqqat aammattaaq Nuummi Jane-p allaffianut alakkarsinnaapput. "Allaffinni meeqqanik pulaartoqarajuttarpunga, oqaloqateqarnissaminnik pisariaqartitsisunik, aammali najortit naapeqatigisarpakka suliassanik oqaloqatigalugit. Najortit arlalitsigut kisimiittarput, taamaammallu isumasioqatigiinnissaq pisariaqartittarlugu, aamma najortit namminneq akunnerminni misilittakkaminnik paarlaasseqatigiittarput imminnullu tapersersortarlutik”.”Najorti” ukiuni pingasuni atuutereerpoq, aaqqissuussinerlu taanna maannamut Nuummi, Maniitsumi Sisimiunilu periarfissaavoq, kisianni Isumaginninnermut Aqutsisoqarfiup suleqatigiinnissamik isumaqatigiissuteqarfiginera nutaaq aqqutigalugu maanna Kalaallit Nunaannut tamarmut siammaatissaaq.”Misigivarput amerliartuinnartut meeqqamut pisinnaatitaaffiullunilu periarfissaasoq paasiartuleraat, siunissamilu illoqarfinni tamani periarfissaalernera nuannaarutigeqaara. Tamatuma kinguneraa meeqqat suli amerlanerit ikiorsinnaalissagatsigit”, Jane naggasiivoq.Piviusut:Kalaallit Nunaanni meeqqat inuusuttullu 700-t missaat angerlarsimaffimmik avataanut inissinneqarnikuupput. Meeqqat amerlasuut pisinnaatitaaffitik ilisimasanngilaat, imminnut tunngatillugu iliuusissatut pilersaarut ilisimasanngilaat, sooq angerlarsimaffimminnit qimagutsitaasimanertik paasisimasanngilaat, imminnullu tunngatillugu suliap ingerlaneranut akuutinneqanngisaannarsimallutik. ”Najorti” tassaavoq Kalaallit Nunaanni meeqqat navianartorsiornerpaat isumaginninnermi sulianut imminnut tunngasunut peqataatinneqarnissaannik tusaaniarneqarnissaannillu qularnaarisussaq.