Naalagaaffeqatigiinneq atuarfimmi ilinniagassanut ilaasariaqarpoq

”Inuusuttut qallunaat, savalimmiormiut kalaallillu imminnut naapissinnaasariaqarput naligiillutik pigiliutiinnakkanillu isummersoreersimanatik. Maannakkorpiaq equngasoqarpoq”, Peqatigiiffik Kalaallit Meerartaanni allattaaneq Puk Draiby oqarpoq, nangillunilu: ”Inuusuttut kalaallit savalimmiormiullu qallunaat oqaasiinik kulturiannillu ilinniartinneqartarput, kisiannili qallunaat inuusuttut Kalaallit Nunaanni Savalimmiunilu inooriaatsit pillugit ilisimasakippallaarlutik. Tamanna innuttaasutut siunnersuutip allanngortinniarpaa”.  Meeqqat pigiliutiinnakkanik isummertarnerit naammattoortarpaatInnuttaasutut siunnersuut, naalagaaffeqatigiinnerup atuarfimmi atuartitsissutigineqarnissaanik siunertaqartoq, kattuffiit allat qulingiluat peqatigalugit saqqummiunneqarpoq. Puk Draiby oqaluttuarpoq: ”Innuttaasutut siunnersuummik saqqummeeqataavugut, isumaqaratta qallunaat meeqqat inuusuttullu Kalaallit Nunaat Savalimmiullu pillugit ilisimasakippallaarnerat kingunipiloqartartoq. Meerartagut amerlavallaat pigiliutiinnakkanik isummereersimanernik, kalaaliunerlu pillugu takorluukkanik illuinnaasiortunik nalaataqartarput. Kalaaleq inuusuttoq efterskolerluni aallartittoq, ilinniartitsisuminit aperineqartoq: Kalaallit akissarsiniariutaa aningaasarsiatik imerlugit nunguttarpaat?" – imaluunniit meeraq atuarfimmi oqarfigineqartoq: "Kakkappallaaqigavit kalaaliunavianngilatit ". Tamakku kalaallit meeqqat inuusuttullu taqissutigisinnaavaat, naleqannginnerusutullu misigitillugit.Puk Draiby-p oqariartuutaa ersarippoq: ”Soorunami qallunaat meerartaat inuusuttaallu Kalaallit Nunaat Savammiullu pillugit illuinnaasiunngitsumik ilisimasaqartariaqarput. Kalaallit Nunaanni Savalimmiunilu politikkit inuussuttutullu kulturit pillugit ilisimasaqartariaqarput. Kalaallit Nunaanni Savalimmiunilu ullutsinni inuit qanoq inooriaaseqarnerat pillugu qallunaat meerartaat ilisimasaqartariaqarput. Qularinngilara tamatuma kingunerissagaa, meeqqat kalaallit savalimmiormiullu ikinnerusut ilisimaatsussutsimik isummereersimanermillu  Innuttaasutut siunnersuut pillugu Naalagaaffeqatigiinneq nutaaliaasoq Danmarkimi meeqqat atuarfiata perorsarsimanermut tunngavianut pinngitsoorani sammisassatut ilaassaaq, aammalu qallunaat oqaasiinik, oqaluttuarisaanermik, inuiaqatigiilerinermik aamma pinngortitalerinermik/teknikkilerinermillu atuartitsissutit ataatsimoortumik anguniagaannut ilaatinneqassalluni. Meeqqat atuarfianni atuartut Naalagaaffeqatigiinnermi nunat pingasut: Danmarkip, Kalaallit Nunaata Savalimmiullu imminnut attuumanerat ilisimasaqarfigalugulu paasisaqarfigissavaat. Tamatuma saniatigut atuartut Naalagaaffeqatigiinnerup pilersinneqarnera aamma Danmarkimut oqaluttuarisaanikkut pingaarutaa ilisimasaqarfigissavaat, kiisalu Naalagaaffeqatigiinneq nutaaliaasoq aaqqissugaanikkut, kulturikkut oqaatsinullu tunngasutigut isiginneriaaseqarlutik ilisimasaqarfigissallugu.Innuttaasutut siunnersuut pillugu annertunerusumik atuagassaqarlunilu atsiorfissaqarpoq uani.Innuttaasutut siunnersuummik saqqummiussisut:

• Ungdommens Røde Kors
• Operation Dagsværk
• Peqatigiiffik Kalaallit Meerartaat
• Kalaallit Røde Korsiat
• Avalak
• Århusimi Kalaallit Illuat
• Nukiga
• Foreningen PIP Kultur
• The future belongs to us
• Københavnimi Kalaallit Illuutaat
• Danmarkimi Savalimmiut Illuat