Najukkami suleqatigiinnerup Nanortalimmi Kullorsuarmilu meeqqatut inuuneq patajaallisarpaa
Ukiorpassuarni aasarsiortitsisarnitsinnit nalunngilarput sumiiffinni ataasiakkaani isumalluutissaqarluartoq. Upperivarput sumiiffinni ataasiakkaani suliaqartoqarneratigut suliniutit ataasiaannarluni suliniutaajunnaarsillugit ataavartumik pitsaasumik allanngueqataasunngortissinnaagaat. Tamannalu suliniutitsinnut nutaamut ’Ikioqatigiinnermut’ aallaaviuvoq, taanna 2023-p ingerlanerani aallarnisarneqarpoq, aallaqqaammut Nanortalimmi Kullorsuarmilu.
Nanortalimmi meeqqeriviup pisortaata Seria Kristoffersenip illoqarfimmi meeqqat uummateqarfigilluarpai tamannalu meeqqerivimmi sulereerluni matunik parnaarsereernerani unittanngilaq. Meeqqat qaasinilluunniit ukiullit sammisassaqarnissaat pingaartuuvoq, Seria oqarpoq. Kalaallit Meerartaasa illoqarfimmi innuttaasunik ataatsimiisitsereernerisa kingorna, Seria isumassarsitinneqarpoq Santa Luciartitsinissaminut. Illoqarfimmi arnat allat marluk ikiorsiullugit uligualiorput erinarsuullu sungiusarneqarluni aaqqissuussinermilu nerisassanut Kalaallit Meerartaat aningaasaliisuullutik, taamanilu niviarsiaqqat 17-it illoqarfimmi kusanartumik ingerlaarlutik qaammarsaaqataapput.
Seria Kristoffersen illoqarfimmi isumalluutaalluarpoq: “Ataatsimoorluta meeqqat inuusuttullu sammisassaannik pilersitsinitsigut amerlanerujussuit angusinnaavagut”.
Meeqqat inuusuttullu pitsaasumik inuuneqarnissaat pillugu takorluukkat amerlaqaat
Santa Luciartitsinerup iluatsinnerata Seria aamma allanik ingerlatserusulersippaa. Meeqqanik erinarsoqatigiiliorusuppoq.
”Meeqqat erinarsoqatigiit meeqqanit kikkunnilluunniit peqataaffigineqarsinnaassapput. Ukiutigut pisinnaasatigulluunniit piumasaqaateqartoqanngilaq. Meeqqat oqalussinnaagunik aamma erinarsorsinnaapput, taamaammat qaasinilluunniit ukiullit tikilluaqqusaapput”, Seria oqarpoq.
Meeqqanik erinarsoqatigiinnik pilersitsiniarluni kissaateqarneq, ’Ikioqatigiinnerup’ najukkami pisariaqartitanut suliniutinullu naleqqiullugu tapersersuisinnaaneranut assersuutissaavoq.
”Seria suleqatigigaangatsigu assersuutigalugu erinarsoqatigiiliorniarluni pilersaarutai pillugit, amerlanertigut annikitsuinnaat annertuumik allanngueqataanissamut akornutaasarput. Meeqqanik erinarsoqatigiiliornissaq immaqa takorluukkatut annertunngitsutut oqaatigineqarsinnaavoq, kisiannili meerarpassuit ilaqutariippassuillu peqataalernissaat periarfissaqarpoq aammalu ataatsimooqatigiinnermik peqataanermillu annertuumik allannguisunik pilersitsisinnaalluni”, taama oqarpoq Kalaallit Meerartaanni suliniutinut inerisaanermullu siunnersorti Rikke Louise Kuhn.
Emil er den lokale politimand i Nanortalik – og så underviser han børn i klatring. Men flere børn ville være med, og Emil manglede både ekstra hjælpetrænere, tovværk og sko til børnene. Med hjælp fra Ikioqatigiinneq er der nu skaffet ekstra klatreudstyr og uddannet tre hjælpetrænere, der gør det muligt, at børn helt ned til syv år kan være med. Emil har netop har modtaget PiSiu-prisen, en pris som uddeles til personer, der bidrager til at forebygge kriminalitet.