Kalaallit Meerartaat Folkemøde-mi: Susassaqartut allat nammineerluta naaperiartassavagut
Kalaallit Meerartaanni meeqqanut inuusuttunullu ataatsimooqatigiiffiit patajaatsut pilersittarpagut. Kisianni ataatsimooqatigiiffiinnaat naammanngillat, suliatta ilagivaat ikaarsaarfissaliornerit aamma inuusuttut tamarmik immikkut allatigut imminnut misilerarnissaminnut periarfissinnissaat: Inooqatigiissutsikkut aamma ilinniakkanut suliffeqarnermullu tunngatillugu. Taamaammat Folkemøde allanik siunnerfeqarlutik sulisut naapinnissaannut periarfissatsialaavoq, taama isumaqarpoq allattaaneq Puk Draiby.
Ukiut aappassaat Folkemøde-mut peqataavugut, tassanilu sanilerivagut ’Børnesagens Fællesråd’ suliniaqatigiiffiillu aqqaneq-marluk allat. Allattaaneq Puk Draiby oqarpoq:
“Uatsitut suliaqartut peqatigisinnaanerat nuannaarutigivara. Upperivara ataatsimoornitsigut tusaaniarneqarnerusinnaalluta,suliassamullu pingaaruteqaqisumut – tassalu meeqqat inuusuttullu atugarliortut pitsaanerusunik atugassaqartinnissaannut - annertunerusunik periarfissaqassalluta. Tamanna oqaloqatigiinnernut pissarsiffiulluartunut periarfissiivoq, meeqqat inuusuttullu inuttut eqimattatullu ineriartorluarnissaannut ataatsimooqatigiiffiit sinaakkusiilluartarnerat oqallisigineqaluni – aammattaarlu pingaarutilimmik oqallisigineqarput, ataatsimooqatigiiffiit peqataatitsiumanngitsutut qaqugukkut misigineqarsinnaanerat, ataatsimooqatigiifinnimi aamma taama pisoqarsinnaavoq”. Puk Draiby itisilerivoq:
”Sulisutut eqqumaffigisariaqarparput ataatsimooqatigiiffiit aqqutissiuunneqartussaammata. Pingaartuuvoq peqataasut tamarmik ataatsimooqatigiiffimmi naleqartutut misiginissaat, assersuutigalugu ataatsimooqatigiiffiit peqataasunut tamanut ataatsimoorussamik sammisaqarfiullutillu tamanit isumaqarluartutut misigineqartinnerisigut”.
Ukioq manna ’ Børnesagens Fællesråd’-ip tupianni arfininngornikkut ullaakkut assinik saqqummersitsivugut. Assinik saqqummersitsinermi pingaartillugu qitiutinneqarput ataatsimooqatigiiffiit ineriartorfiusut, soorlu inuusuttunut suliniummi ’Uagut’-mi, tassani inuusuttut imminnut kaammattoqatigiittarput, namminerlu anguniakkat piviusunngornissaannut aqqutissaq nassaariuminaatsillugu tapersersoqatigiittarlutik.
Ikaarsaariarfissaliussaagut
Folkemøde-mi aammattaaq oqaluuserisanut allanut peqataanermut piffissaq annertungaatsiartoq atorparput, eqaatsumik aaqqissuussamik ilinniagaqarsinnaaneq, tusagassiissutitigut ileqqulersornerit aamma suliffeqarfinni assigiinngiiaassuseq eqqartorneqarlutik”. Puk Draiby oqarpoq: ”Susassaqarfiit kattuffiillu uagutsinniit allaanerit oqaloqatigisarnissaat pingaartuuvoq, pissutigalugu ataatsimooqatigiiffiit meeqqanut inuusuttunullu pilersitagut tassaammata, ataatsimooqatigiiffiit avataanni inuusuttut naapitassaannut ikaariarfiliisuummata. Inooqatigiissutsikkut susassaqarfinnut allanut, ilinniakkanut suliffinnullu attaveqarluartariaqarpugut. Tamatumani Folkemøde periarfissatsialaavoq, susassaqartut allat suleriaaseqarnerinik eqqarsariaaseqarnerinillu paasinnilluarnissamut – neriuutigalugu taakku inuusuttut kalaallit sullitatta peqataatilernissaat piareersimaffigigaat.
Aamma Tikkilip ’UAGUT’meersup ullup-qeqqasioqatiginissaa naapeqqinnissaalu piffissaqarfigineqarpoq. Therkil maannakkorpiaq umiarsuarmi ilinniarfiutigisumi Georg Stage-mi ilinniartuuvoq, umiarsuarlu Folkemøde-p nalaani Allinnge-mi tulaqqavoq. Therkil, anorigissaarinatoq – Københavnimi takuss…, 12. juli angalanersi naammassippat.