Kalaallit Meerartaat suliniutinut inerisaanermullu Nuummi siunnersortissarsiorput
Suliniutinik aqutsinermik inerisaanermillu misilittagaqarpit aamma meeqqanut inuusuttunullu allannguutinik pitsaasunik pilersitsinissaq pisinnaatitaaffiinillu patajaallisaanissaq soqutigivigit? Taamaappat illit immaqa tassaavutit Nuummi allattoqarfitsinni suleqatissatut ujartugarput.
Allattoqarfiup pisortaa aamma suliniutinut inerisaanermullu siunnersortit qanimut suleqatigalugit Kalaallit Meerartaasa Kalaallit Nunaanni suliniutigisaannik suliaqassaatit. Suliniutini tamani siunertaavoq meeqqat inuusuttullu atugarisaasa pitsanngorsarnissaat, suliniutillu pillugit ilisimatinneqarlutillu ilinniartinneqassaatit, taakkulu tassaapput killiliisinnaanermik persuttaasarnermillu pitsaaliuineq pillugu suliniutit, meeqqanik inuusuttunillu illersuisuusarneq isumaginninnikkullu suliani taakkunannga peqataatitsisarneq, aasarsiortitsisarnerit pinnguarnermik ilikkariartornissamillu aallussiffiusut aamma suliniutit inuusuttut ilinniagaqalernissaannik siuarsaanissamik siunertaqartut. Atorfinni assigiinngisitaaqisunik suliaqartassaatit – suliniutinik aqutsinermiit suliniutinut nutaanut isumassarsianik inerisaanermut, ataqatigiissaarinermut kalaallinillu meeqqanik inuusuttunillu tigussaassunik sammisaqartitsinermut.
Ilisarnaatitit
Meeqqanik inuusuttunillu suliaqarnermik ilinniagaqarneq aamma/imaluunniit misilittagaqarneq
Isumaginninnerup iluani suliniutinik aqutsinermik inerisaanermillu misilittagaqarneq
Aningaasartuutissanik isertitassanillu missingersuutinik naliliinermillu misilittagaqarneq
Qinnuteqaateqarluni allannermik nalunaarusiortarnermillu misilittagaqarneq, soorlu naalakkersuisoqarfinnut, aningaasaateqarfinnut il.il.
Nammineersinnaaneq ilusilersuilluarsinnaanerlu, ilutigisaanillu allanik suleqateqarsinnaaneq
Marluinnik oqaaseqatuuneq iluaqutaassaqaaq
Makkunannga neqeroorfigaatsigit:
Suliaq nikerarluartoq suliassallu suliarinissaannut kiffaanngissuseqarfiulluartoq
Avatangiisit uummaarissut, allattoqarfimmi anginngitsumi, suliamik ilisimasaqarfiulluarlunilu sulianut tunniusimalluartunik suleqateqarfiusumi
Suliffeqarfik inerikkiartortuartoq, periusissiornermi annertuumik peqataatitsisartoq
Isumaqatigiiissutit pisinnaasallu naapertorlugit akissarsiaqartitsisoqassaaq
Soraarnerussutiassanik aaqqissuussineq pitsaasoq, peqqissutsimut sillimmasigaaneq angalanermilu sillimmatinut namminerisanut akikillisaanneqarneq
Nunami namminermi angalangaatsiartoqartassaaq, minnerpaamillu ukiumut ataasiarluni Danmarkiliartoqartassalluni, nammineq siunertarisanut atugassamik sivitsuinissaq periarfissaqarluni
Mobiili qarasaasiarluni akeqanngitsumik atukkiunneqassapput
Atorfik piffissaq tamaat atorfiuvoq, atorfinitsitsinerlu piaarnerpaamik pisussatut kissaatigineqarluni.
Kikkuuvugut?
Kalaallit Meerartaat Kalaallit Nunaanni Danmarkimilu meeqqanik inuusuttunillu atugarliortunik sullissivoq. Sulissutigivarput kalaallit meeqqat kikkulluunniit piitsuullutik, atornerluiffiusumi sumiginnagaallutilluunniit peroriartunnginnissaat. Meeqqat tusaaniarneqarlutillu peqataatinneqassapput, inuusuttullu amerlanerit ilinniagaqassallutik. Pingaartipparput suliniutitta sumiiffinni ataasiakkaani oqartussanik, kattuffinnik, sulisunik, meeqqanik inuusuttunillu qanimut suleqateqarluni aamma najukkami kulturimik oqaatsinillu ataqqinnilluni pilersinneqartarnissaat. Kalaallit Meerartaanni maannakkorpiaq Kalaallit Nunaanni Danmarkimilu suliniutinik qulinik ingerlassaqarpugut, kommunini tamani najuulluta, taamatullu Københavnimi, Århusimi, Aalborgimi, Esbjergimi, Randersimi aamma Vejle-mi suliaqarluta. Peqatigiiffik 30-nik sulisoqarpoq, 100-llu sinnerlugit namminneq kajumissutsimikkut sulisunik sulisoqarluni. Suliniutit aningaasalersorneqarput pisortat aningaasaataannit, aningaasaateqarfinnit namminersortunit legatinillu, suliffeqarfinnit tapiissutinit aningaasaliissutinillu, inuinnartut ilaasortanit tunissuteqartartunillu.Ataqqinartorsuaq Dronning Margrethe 2. illersuisuuvoq, 2018-imilu Kunngissakkut nersornaasiuttagaannik nersornaaserneqarpugut. Paasissutissat annertunerusut uaniipput: www.fgb.dk aamma www.fgb.gl
Qinnuteqaatit cv-llu uunga nassiutissavat: job@fgb.dk qulequtsiiffikkut allallugu ”projekt- og udviklingskonsulent”. Qinnuteqarnissamut killiliussaq: 15.10.2022. Atorfinitsitsinissamut atatillugu oqaloqatigiinneq pissaaq sap. ak. nr. 43-mi, Nuummilu allattoqarfimmi ingerlanneqassalluni. Atorfik pillugu annertunerusumik paasisaqarusukkuit Nuummi allattoqarfiup pisortaa Julie Lynge saaffigisinnaavat mobili una aqqutigalugu: +299 220598 imaluunniit uunga emailerlutit: jl@fgb.dk