Inuusuttut ’Siammartumut’ peqataasartut aallartilluarput
Inuusuttut 18-29-nik ukiullit holdit nutaat ilinniarluni ingerlatsinermi ”Siammartumi” aallartipput. Inuusuttut Danmarkimit tamarmeersuupput, novemberimilu sapaatip-akunnerata naanerani Vejle-mi spejderit illuaraanni siullermeerlutik naapillutik.
Tamarmik ataatsimoorussaminnik kalaallisut tunuliaqutaqarput – aammalu kissaatigalugu imminnut eqqortutut misigisaminnik inuunerminni aalajangiisarnissaminnut piginnaasaqarnerulernissartik.
Malene Bruun Jeppesen Kalaallit Meerartaanni meeqqanut ilaqutariinnullu siunnersortaavoq:
”Aallartilluaqaagut. Peqataasut nukissaqarluarpasipput. Inuusuttut imminnut ammaffigilluarput, sapaatip-akunneratalu naanerani katerisimaaqatigiinnermi suliassaasartut suliarineranni tamarmik ikioqatigiillutik.
Sapaatip-akunnerata naanerani naapeqatigiinnermi siullermi ilaatigut ataatsimooqatigiiffiup inuusuttut ’Siammartumi’ ineriartorluarnissaannut sinaakkutigisassat pingaarutillit pilersinneqarput.
”Ilisareqatigiilluarnissamut peqataasullu toqqissisimanissaannut piffissaq annertungaatsiartoq atoqqaartarparput. Tassami toqqissisimaneq aallaavigalugu imminut inissinnissap annaasimasap imaluunniit nassaariuminaatsissimasap nassaarinissaanut sapiissuseqartoqalersarpoq,” Malene oqarpoq.
Siammartoq kalaallinut inuusuttunut Danmarkimiittunut ingerlatsineruvoq. Sapaatip-akunnerisa naanerini ilinniarfiusuni arfineq-pingasuni, ukiup ataatsip ingerlanerani inuusuttut pisinnaasaqalerlutillu ilisimasaqalersarput. Piffissap ingerlanerani inuusuttut sungiusarluni suliffittaarniarnerannik, ilinniarfissarsiornerannik suliffittaarniarneranniluunniit ikiorneqartarput.
Siammartoq pillugu annertunerusumik paasissutissat uaniipput