Peqatigiiffik Kalaallit Meerartaat Inuusuttut Katerisimaartinneqarneranni (Ungdommens Folkemøde) naapiguk
Tupersuarmi assigiinngitsunik ingerlaavartumik sammisaqartitsisassaagut. Oqaloqatigiartortigut imaluunniit pisussatut pilersaarusiukkatsinnut peqataagit.Pigiliutiinnakkanik isummernitit nungusakkitSisamanngorneq 12-00 – 13-00 aamma tallimanngorneq 12.00 – 13.00Inuit naapitatit pillugit isummereersimanitit qanoq taakkununnga kinguneqartarpat? Pigiliutiinnakkamik isummereertarnitit nungusariartukkit, Peqatigiiffiup Kalaallit Meerartaasa filminik ukunannga takutitsinerani: ”Forforståelser, nysgerrighed og fordomme” aamma ”Mødet med Danmark.” Takutereernerisa kingorna oqallinnissamut aggersaavugut, nalusat naapinneranni alapernaassuseq qanoq pilersissinnaanerlugu, qanorlu iliorluta ataatsimoorluta nammineq paasinneqqaarnialertarnigut allanngortissinnaanerlugit oqallisigalugit. Inuusuttoq alla isaasigut toqqarlugu isigisinnaaviuk? Arfininngorneq 12.30 – 13.30Inuk alla pimoorullugu isaasigut toqqarlugu isigigukku sunamita takussaviuk? Isit toqqortarisarpaat isertukkat, nuannaarnerit aliasuutillu. Inuup allap isaasigut toqqarlugu isiginissaa tusaannarlugu ajornarpasinngeqaaq, kisianni killissarisanik qaangiisinnaavoq. Taamaammat Peqatigiiffik Kalaallit Meerartaat aggersaavoq sammisaqartitsinissamut, inuusuttut minutsini arlalinni imminnut isimikkut toqqarlutik isiginissaannut. Peqataanissat qunuginngiliuk? Immitsinnut pilluta suut ilisimavagut?Sisamanngorneq 13.30 – 15.00 aamma Tallimanngorneq 13.30- 15.00Pigiliutiinnakkanik isummernerit akiornissaannut sakkussaq pitsaanerpaaq tassaavoq ilisimasaqarneq. Kisianni immitsinnut pilluta sorpiaanuku ilisimagigut? Oqaluttuarisaanitsigut sunik avitseqatigiippugut? Aamma inooqatigiissutsikkut unamminartut, pigiliutiinnakkanik isummertarnerit aamma naligiinngitsumik pineqartarnertut misigisimanerit kalaallit qallunaallu akornanni pissuseqatigiinniarnermi sooruna suli taama initutigisartut?Ukiorpassuanngortuni pigiliutiinnakkanik isummertarnerusut qimatsigit, peqataajartorit - Danmarkip Kalaallit Nunaatalu akornanni naligiimmik pissuseqatigiinnerup nutaap pilersinnissaanut peqataallutit.Mianersoqqussut: Silatunerulernissaq qularnarveeqqusigaavoq!Inuusuttut Katerisimaartinneqarnerat (Ungdommens Folkemøde) tassaavoq demokratii pillugu festivaali, inuusuttut oqartussaaqataaffigisaat. Pisussat tamarmik 6.-8. september Valby Parken-imi ingerlanneqassapput. Annertunerusumik paasissutissat uanipput