Meeqqat amerlanerit ikiorneqarsinnaalerput

”Anguniagaavoq Kalaallit Nunaanni meeqqat tamarmik isumaginninnikkut suliani imminnut tunngasuni illersorteqarsinnaanissaat”,Nuummi allattoqarfimmi pisortaq Nike Berthelsen oqarpoq, nangillunilu: ”Taamaammat Najortinik ilinniartitsineq ingerlatileruttorparput, aaqqissuussinerlu siammaanniarlugu, meeqqat suli amerlanerit anguneqarsinnaaqqullugit”. Peqatigiiffik Kalaallit Meerartaanni suleqatini arlaqartut peqatigalugit ilinniartitsillutik angalanerminnit Nike Berthelsen angerlamut apuuteqqammerpoq, Najortit nutaat qulit ilinniarsimasutut allagartartaartinnikuullugit. Najortit nutaat ilinniarpaat pitsaasumik meeqqanik oqaloqateqarnermiit kommunini suliat suliarisarnerinut.Najortit pillugit Nike Berthelsen oqarpoq: ”Najortit suliaminnut tunniusimalluartut pikkorissullu ilinniarteqqammerpagut, suliani isumaginninnermut tunngasuni meeqqanik ikiuinissaminnut piareeqqasut”. Najortit nutaat ilinniartinnerisa saniatigut aammattaaq najortitut sulereersut ilinniarteqqinneqarput. Nike Berthelsen nassuiaavoq: ”Najortitut sulisorisatta suliassat imaannaanngitsut arlalitsigut suliarisarpaat, taamaammat pisariaqarpoq ilinniarteqqittuarnissaat suliamullu atatillugu isummersoqatiginissaat”.Meeqqat toqqaannartumik sianersinnaapputNajortitut suliallit piginnaanngorsarnerisa saniatigut angalanerup aamma siunertarivaa Najorteqartitsisarnerup ilisimaneqarnerata siammaannissaa. Nike Berthelsen oqaluttuarpoq: ”Naammanngilaq kommunimi sulianik suliallit kisimik aaqqissuussineq pillugu ilisimasaqarnissaat, – aamma meeqqat ilisimasariaqarpaat najortimit ikiorneqarsinnaanertik. Meeraagaanni inuussuttuulluniluunniit assersuutigalugulu angerlarsimaffiup qimannissaanut ikiorneqarnissaq pisariaqartillugu, sumi ikiorneqarsinnaaneq nalunarsinnaavoq. Taamaammat Peqatigiiffik Kalaallit Meerartaanni paasititsiniaaneq ingerlapparput, meeqqanut inuusuttunullu toqqaannartumik  najorteqartitsisarnermik aaqqissuussinermut sianernissaq ajornanngitsumik paasiuminartumillu pisinnaaqqullugu. Meeqqat kikkulluunniit ulluinnaat tamaasa 29 00 28-mut sianersinnaapput, nal. 8-p 16-illu akornanni. Piffissap taassuma avataatigut meeqqat sms-ersinnaapput, aqaguanilu uagut sianissaagut”, Nike Berthelsen oqaluttuarpoq.Atuarfinni paasititsiniaaneritMeeqqat inuusuttullu Najortit pillugit ilisimasaqalernissaannik qularnaariniartarnitta ilagaat atuarfinnukarluta paasissutissanik agguaassisarnigut. Nike oqaluttuarpoq: ”Sulisut inuusuttullu atuarfinni ilassilluartarpaatigut. Pulaartarnigullumi sunniuteqarluartarput. Nike oqaluttuarpoq:  ”Ilulissani atuarfiit marluk pulaarpagut, kinguninnguagullu meeqqanit ikiortarialinnit arfinilinnit saaffigineqarpugut. Tamatumani paasisagut marluupput; paasivarput pisariaqartitsisoqartoq, aamma paasititsiniaanigut sunniuteqartartut. Kingulleq soorunami nuannaarutigeqaarput”.Najortit pillugit piviusutMeeqqanik illersuisoqartitsisarneq ”Najorti” tassaavoq, Kalaallit Nunaanni meeqqat ernumagisariaqarnerpaat imminnut tunngatillugu isumaginninnikkut suliani peqataatinneqarnissaat tusaaneqarnissaallu qularnaarniarlugit isumalluut.Najorti maannakkorpiaq Ilulissani, Aasianni, Sisimiuni, Maniitsumi, Nuummi Qaqortumilu neqeroorutaavoq.Peqatigiiffik Kalaallit Meerartaat Isumaginninnermut Aqutsisoqarfimmik suleqateqalernikuuvoq najortit ilinniartinnissaat pillugu. Anguniagaavoq Kalaallit Nunaanni meeqqat tamarmik isumaginninnikkut suliani imminnut tunngasuni illersuisoqarsinnaalissasut. Tamannalu 2019-imi piviusunngussasoq ilimagisaavoq.Najorti Isumaginninnermut Aqutsisoqarfimmit, Nunafondenimit, Jashafondenimit, 15. juni Fondenimit aamma Østifterne-mit taperserneqarpoq.