Kullorsuarmut Nanortalimmulluunniit ilaarusuppit?

2. julimiit 30. julimut Peqatigiiffik Kalaallit Meerartaat Nanortalimmukassaaq. Nammineq kajumissutsimikkut sulisut nunarsuarmit tamarmeersut Nanortalimmi meeqqat puigugassarinngisaannik aasarsiortinniarpaat, timersuutinik aamma pinnguaatinik nuannersunik pilersitsilluni sammisassanik allaanerusunik amerlaqisunik sammisaqartillugit. Kisianni tammaarsimaarfimmi pisortassarsiorpugut, ingerlatanik tamanik aqutsisuusinnaasumik. Nammineq kajumissutsimik sulineq misilittagaqarfigiviuk, meeqqanillu inuusuttunillu peqateqarneq nuannaralugu? Timersorneq aalanerlu pikkoriffigigukkit, pilersitsillaqqikkuit aamma kalaallisut, qallunaatut tuluttullu oqaluttaruit, immaqa illit tassaavutit ujartugarput. Københavnimi 17. – 19. maj piareersaataasumik pikkorissarnermut ilaasinnaasariaqarputit.Aamma pisariaqartipparput assiliisoq, nammineq kajumissutsiminik sulisutut Nanortalimmut ilaarusuttoq, Peqatigiiffik Kalaallit Meerartaannullu assiliinermi saniatigut meeqqat inuusuttullu qaammammi ataatsimi peqatiginnissaannut, kiisalu pilersitsilluni timersorlunilu sammisassanut meeqqanut neqeroorutigisatsinnut peqataanissamut  kajumissusilimmik. Minnerpaamik tuluttut oqalussinnaasariaqarputit. Kusanartunik assiliisinnaassaatit – meeqqat namminnerlu kajumissutsimikkut peqataasut kiinaannik, nunamik sammisaqaqatigiinnernillu assiliisinnaassallutit. Aamma iluaqutaassaaq videoliorsinnaaguit. Taakku tamaasa aaqqissuussinnaassavatit. Angalasinnaasariaqarputit 2.- 30. juli. Peqataasunut allanut atugassarititaasut assiginik atugassaqartitaallutit namineq kajumissutsikkut sulisut peqataaffigisinnaassavatit.8. julimiit 10. augustimut Kullorsuarmi aasaanerani tammaarsimaartoqassaaq. Aamma tassani tammaarsimaartitsinermi pisortassamik ujartuivugut, meeqqanut inuusuttunullu sammisassanik aallarnisaanermik nuannarisalimmik, aasaaneranilu Avannaaniikkumasumik – timersuutinik, pinnguaatinik aalanernillu sammisaqarfiusumik. Nunarsuarmit tamarmit namminneq kajumissutsimikkut sulisut peqatigalugit. Namminneq kajumissutsimikkut sulisunik aqutsineq misilittagaqarfigigukku aamma qallunaatut, tuluttut ajornanngipallu kalaallisut oqaluttaruit, kiisalu Københavnimi 17. – 19. maj piareersaataasumik pikkorissarnermut ilaasinnaaguit tusarfigerusuppatigit.Qinnuteqaat tunngavilersugaq uunga nassiuguk: Gunver C. Justesen email: gj@fgb.dk imaluunniit annertunerusumik paasiniaaniarlutit una sianerfigalugu: +45 3531 4421