Kalaallit ilinniartut ES-campimi Danmarkimi efterskolernissaminnut piareersartinneqarput

Kalaallit Nunaanniit 3.500 km-inik ungasitsigisumut Danmarkimut nuulluni efterskolernialernermi ilisimasariaqartut amerlaqaat. “Angalanissamik pilersaarut malillugu qimuttuitsunut eqqortunut nuussinnaanissaq tassaavoq ilinniartut ilisimariigassaattut efterskolit naatsorsuutigisartagaasa ilaat. Kisianni Danmarkimi angallannermit allaanerulluinnartumik angallaffiusumeerluni Kalaallit Nunaanneeraanni taamaannissaa ilimagereerneqarsinnaanngilaq, ” Peqatigiiffik Kalaallit Meerartaanni suliniummik aqutsisoq Nathasja Preus, ES-campimut ilaasoq, oqaluttuarpoq. “Danmarkimi efterskolerluni aallartinneq imaannaanngitsuuvoq, suut tamarmik nutaajupput allaanerullutillu, aamma kalaallit qallunaallu assigiinngitsunik periuseqartarput. Efterskolertussanik tammaarsimaartitsinermi inuusuttut piareersarnissaannut periarfissaqarpugut, tassuunakkut neriuutigalugu eqqarsartaatsimikkut sinnilimmik nukissaqarlutik efterskolimi aallartissinnaalissasut”. Unikaallalaarnissaq pisariaqartinneqarpoqES-camp ilinniartunut kalaallinut efterskolerlutik aallartilluarumasunut naammassilluarumasunullu neqeroorutituaanngilaq. Peqatigiiffiup Kalaallit Meerataasa suliniutaa ”Allu” tassaavoq kalaallinut efterskolertunut attaveqaat ukioq atuarfiusoq tamaat atuuttoq. Nathasja oqaluttuarpoq: “Nalunngilarput efterskolernerup naammassillugu ingerlannissaa kalaallinit ilinniartunit immikkut piumasaqaateqarfiusoq, taamaammat “Allu” inuusuttunut kalaallinut efterskolertunut, efterskolimi ulluinnarisaq qimalaarlugu sapaatip-akunnerisa naanerini angalaqatigiinnertalinnik ataatsimooqatigiinnissamik neqeroorutaavoq, namminiunissaq illaqatigiittarnissarlu inissaqartillugit, Danmarkimilu efterskolernerup pitsaanerpaamik pissarsiffiginissaanut nukissanik katersinissaq periarfissaqartillugu”.Inuusuttunik tapersiineqAnnermik ilinniartunut efterskolimi kalaalersatuaasunut imaluunniit ukioqatigiinni kisiartaallutik kalaalersaasunut ”Allu”-mut peqataasarneq iluaqutaaqisoq paasinarsisimavoq. “Inuusuttut allat assingusunik atugaqartut peqatigalugit Danmarkimi efterskolerneq pillugu avitseqatigiissinnaaneq pingaaruteqaqaaq. Aamma inersimasut namminneq kajumissusertik naapertorlugu sapaatip-akunnerata naanerani peqataasut annertuumik suliaqartarput, oqaloqatiginnillutik inuusuttullu ajornartorsiutigisinnaasaasigut aalajangersimasutigut ikiuullutik”, Nathasja naggasiivoq.‘ES’ uunga naalisaataavoq: ‘efterskole’ES-camp ingerlanneqarpoq 6. - 10. august Sønderjyllandimi Skærbækkimi Rejsby Europæiske Efterskolimi.