Kalaallit Meerartaanni inuit nutaat
Piffissami kingulliunerusumi Kalaallit Meerartaanni arlalinnik suleqatitaarnikuuvugut. Tamaasa assigiinnik aperivagut tulleriaarlugit ”Kalaallit Meerartaanni inuit nutaat” -nik taallugu saqqummiussatsinni. Nuummi allattoqarfimmi Anguti Kristiansen allaffissornikkut ataqatigiissaarisutut atorfinippoq.
Sooq Kalaallit Meerartaanni atorfik qinnutigiviuk?
Suliffiit soqutigisakka inunnik sullissinerup iluaniipput. Unalu suliffik qinnutigaara paasitinneqarama annerusumik Najortimut tunngasut suliarissallugit.
Siusinnerusukkut suliffigisannit misilittakkat, suliat imaluunniit suliassat suut maanna atorfigilikkanni atorsinnaavigit?
Ukiut kingulliit tallimat inunnik isumaginninnerup tungaatigut sulinikuuvunga. Ukiut marluk innarluutillit angerlarsimaffiani sinnerani meeqqat inuusuttullu angerlarsimaffiani sulillunga. Socialrådgiveritut ilinniarnera taamaatiinnarallarnikuuara tulleriiginnarnik meerartaarnikuunerput peqqutigalugu.
Maanna atorfigilikkanni suliassatit pingaarnerit suuppat?
Najortimut tunngassutillit tigujartuaassavakka sulinerma sivitsoriartornerani. Tassani isumagisassallugu nunatsinni illoqarfinni assigiinngitsuni Najortitut ilinniarsimasut saaffigisassallugit pisariaqartitsisoqarnerani. Nunaqarfinni illoqarfinnilu Najortinik amigaateqarfigut oqarasuaatikkuit najortissarsiuussineq imaluunnit uanga najortiuffigisarsinnaassallugit.
Allaffissornerillu najortimut tunngasut aamma suliarisassavakka.
Suliartornissamut suut kaammattuutaappat?
Meearaaninni aqqusaakkat imaannaanngitsuupput taamaammallu suliniutinut meerartatta oqilisaanneqarnissaanut peqataarusunnera annerpaamik kaammattuutaavoq.
Kalaallit Meerartaanni sulilerninni suut qilanaarinerpaavigit?
Suliat imarisaasa pulaffigilluarnissaat arlaatigullu sunniuteqartutut misigilernissaq.
… suut unammilligassarivigit?
Sungiunniagassaavoq suliffiup annerpaartaa allaffimmi issiarujoortarneq. Allaffissornermullu pulaniarsarineq.
Kalaallit Nunaanni nalliuttunit ullunilluunniit nalliussisakkanit suna nuannarinerpaaviuk?
Juullikkut nalaanni ilaquttat ataatsimooqatigisaqattaarneri. Ammalu meeqqatta inuuissiortarfii.