Suluk

Kalaallinut inuusuttunut Danmarkimiittunut mentoreqartitsinermik aaqqissuussineq

Mentorit namminneq kajumissutsimikkut sulisut inuusuttut ilinniagaqalernissaannut suliffeqalernissaannullu taperserpaat

 ’Suluk’ tassaavoq kalaallinut inuusuttunut Danmarkimiittunut, ilinniagaqalernissaminnut suliffeqalernissaminnulluunniit namminneq aqqutissamik nassaarinissaanut taperserneqarnissaminnik pisariaqartitsisunut mentoreqartitsilluni aaqqissuussineq. Suliniummi anguniagaavoq kalaallit inuusuttut amerlanerit ilinniakkaminnik naammassisaqartarnissaat aamma sulillutik inersimasutullu inuunerminni atorsinnaasaminnik suliamut tunngatillugu inuttullu piginnaaneqalernissaat.

Inuusuttut iluatsitsinissaannut anguniakkanut ilaapput:

  • Ilinniagaqalernissamut sulilernissamullu annertunerusumik piareersimaneq

  • Inuusuttut ilinniarfiinit uniinnartarnerit ikilisinnissaat

  • Nammineq pisinnaasaqarnerup upperinerata annertusinissaa

    Suluk Egrmontfonden suleqatigalugu inmgerlanneqarpoq

Suliniutip tunuliaqutaa

Kalaallit inuusuttut Danmarkimi najugaqarlutillu peroriartorsimasut ilinniagaqanngitsoorlutillu suliffeqalersanngitsut ajoraluartumik amerlapput. Nammineq kajumissutsimigut sulilluni mentoriusup piginnaaneqarluarlunilu uteriitsup, inuusuttut taakkua ingerlalluarnissaat inuunerminnilu periarfissaqarluarnissaat patajaallisarsinnaavai. Anguniagaavoq ilinniagaqalernissamut suliffeqalernissamullu piareersimassutsip annertusarnissaa, aamma ilinniarfinni uniinnartarnerit annikillisarnissaat.
Mentoreqartitsilluni aaqqissuussinermi iliuuseqarfiginiarneqarput, inuusuttut amerlasuut eqqugaaqqajaasarlutillu atugarlioqqajaasartut Danmarkimi nalinginnaasumik ajornartorsiutitut misigisartagaat. Ilutigisaanik suliniummi isiginiarneqarput inooqatigiissutsikkut, kulturikkut ilinniagaqarniarnikkullu akimmiffiusartut, annermik kalaallinit inuusuttunit misigineqartartut, ilinniakkap suliffiullu ingerlatiinnarnissaanut annertuumik immikkullu ittumik akimmiffittut misigineqartartut. Pineqaput oqaatsitigut piginnaasat, pineqarput inooqatigiissutsikkut kulturikkullu piginnaasat – minnerunngitsumillu pineqarpoq nammineq pisinnaasaqarnerup upperineqartannginnera, Danmarkimi  nalinginnaasumik pitsaanngitsunik ilimagisaqarfigineqarluni naapinneqartarnermit sakkortusitinneqartartoq.

Suliniummi pisortaq Anne Thisted Kjær attavigiuk: +45 5210 0260/ atk@fgb.dk