Ilaqutariit kalaallit pitsaanerusumik kommunini sullinneqartarnissaat
Ilaqutariinnik sullissinermi akeqanngitsumik paasissutissinneqartarnissamik suliamullu atatillugu isumasioqatigiittarnissamik neqeroorut
Kalaallit Nunaanni pissutsit arlalippassuit allaanerupput, aamma meeqqat, inuusuttut ilaqutariillu kalaallit Danmarkimi kommunini ikiorneqarnissaminnik pisariaqartitsilerneranni paatsoortoqarsinnaasarpoq. Isumaginninnermi siunnersortitut kalaallit meeqqat, inuusuttut ilaqutariillu sullinneranni ilaqutariinnut sullissinermut akisussaasuuguit, qaqugukkulluunniit Kalaallit Meerartaanni siunnersuisartoqatigiit saaffigisinnaavatit.
Siunnersuisartoqatigiinnut ilaapput siunnersuisartut piginnaasaqarluarlutillu suliamik ilisimasaqarluartut nunamit tamarmeersut. Tamarmik Kalaallit Nunaanni Danmarkimilu meeqqanut ilaqutariinnullu tunngasunik suliaqartarnikuupput, kalaallit oqaasii kulturiallu pillugit ilisimasaqarluartuullutik, ilutigisaanillu Danmarkimi meeqqanut ilaqutariinnullu tunngasunik paasisimasaqarluarlutik.
Suliamut atatillugu siunnersuisartut arlaannaannulluunniit atanngitsumik akeqanngitsumillu neqeroorutaapput, aggersarneqarsinnaallutillu sulianut aalajangersimasunut atatillugu imaluunniit nalinginnaasumik paasititsiniaasussatut, assersuutigalugu sulisut ataatsimiinnerini aalajangersimasumilluunniit sammisaqarlutik naapeqatigiinnerini.
Suliani aalajangersimasuni siunnersuineq
Siunnersuisartoqatigiit isumaginninnermi siunnersortinik sulisunillu naapertuuttunik allanik suliani kalaallit meeqqat ilaqutariillu aalajangersimasut sullinnerinut tunngasuni.
Siunnersuisartoqatigiit ima atorneqassapput:
Kommunip ilaqutariillu akornanni suleqatigiilluarnerup pilersinnissaanut
Suliap naammaginarluartumik eqqortumillu tunngaveqarluni nalilersornissaanut
Isumaginninnermi siunnersortip aamma ilaqutariit, meeqqat/inuusuttullu akornanni paaseqatigiinnerunissap anguneqarnissaanut
Isumaginninnermi siunnersortip ilaqutariillu akornanni pitsaasumik attaveqaqatigiilernerup pilersinnissaanut.
Vil du vide mere?
Kontakt Julie Bauer på mail jb@fgb.dk eller telefon: +45 2677 7504
Mødet med Danmark
I filmen “Mødet med Danmark” skildrer grønlandske unge, med både humor og varme, en række oplevelser, hvor kulturforskellene står i kø - og kan skabe misforståelser.
Naliginnaasumik paasissutissiineq
Siunnersuisartoqatigiit aammattaaq atorneqarsinnaapput, unamminartut ilaqutariit kalaallit Danmarkimut nuunnerminni misigisartagaat pillugit paasititsiniaanermut.
Ilutigisaanik siunnersuisartoqatigiit paasissutissiisinnaapput, kommunimi sulisutut meeqqanik ilaqutariinnillu kalaallinik sullissinermi suut alapernaaserneqartariaqarnerinik.
Siunnersuisartoqatigiit kikkuuppat?
Siunnersuisartoqatigiit Kalaallit Meerartaannit aallaaveqarput. Kalaallit Meerartaat peqatigiiffiuvoq ukiuni 100-ni meeqqat inuusuttullu kalaallit toqqissisimasumik meeraallutillu siunissaqarluarnissaannik anguniagaqarluni sullissisoq.
Ukiuni 15-ini kingullerni peqatigiiffiup Københavnimi, Aalborgimi, Aarhusimi, Vejle-mi Esbjergimilu ataatsimoortumik isiginneriaaseqarluni ilaqutariinnut suliniutit ingerlappai, taamaalillunilu meeqqat ilaqutariillu kalaallit Danmarkimi aaqqissugaanermik inuiaqatigiinnillu naapitsinerminni unamminartissinnaasaat ilisimasaqarfigilluarlugit.
Siunnersuisartut tamarmik suliamik ilisimasaqartuupput misilittagaqarluartut, Kalaallit Meerartaannut avataaniit suleqatitut attuumassuteqartut.
Lad os bryde fordommene!
Filmen her er nogle år gammel, men indholdet er lige relevant. For alt for mange grønlandske børn og unge bliver mødt af fordomme og stereotype forestillinger blandt danskere. Det påvirker identitet og selvværd og de unges trivsel.
Neqeroorutip tunuliaqutaa
2021-mi Danmarks Statistik-imit kisitsisit takuttippaat, meeqqat kalaallit Kalaallit Nunaanni inunngornikut kalaallinillu angajoqqaallit 7%-ii aamma meeqqat Danmarkimi inunngornikut kalaallinillu angajoqqaallit 5%-ii, Danmarkimi angerlarsimaffimmik avataanut inissitaasimasut. Danmarkimi meeqqat nalinginnaasumik 1 %-iisa angerlarsimaffimmik avataanut inissinneqartarnerannut sanilliullugu tamanna soorunami ernumaammilersitsivoq.
2022-mi upernaakkut Danmarkimi atugarissaarnermik ilisimatusarfiup misissueqqissaartarfiullu ’Det Nationale Forsknings- og Analysecenter for Velfærd – VIVE-p, kalaallit meeqqat Danmarkimi kommunini angerlarsimaffimmik avataanut inissitat pillugit nalunaarusiaq saqqummiuppaa. Nalunaarusiami tikkuarneqarput isumaginninnermik siunnersortit angajoqqaallu akornanni suleqatigiinniarnermi ajornartorsiutit, oqaatigineqarlunilu taakkununnga amerlanertigut pissutaasartut oqaatsitigut kulturikkullu paatsooqatigiittarnerit.
Ilutigisaanik innuttaasut akornanni kattuffiit arlallit uparuarpaat, kommunit ilaqutariinnik meeqqanillu kalaallinik sullissineranni kommunit angajoqqaallu paatsooqatigiittarnerat takussaavallaartoq. Aamma uparuarneqarpoq kommunit amerlavallaat Kalaallit Nunaata Danmarkillu akornanni assigiinngissutsit taakkualu oqaatsimikkut kulturimikkullu assigiinngissutaat pillugit ilisimasakippallaartut, taamaammallu aamma assigiinngissutit taakku sulianik suliaqarnermi eqqumaffigineqarneq ajortut. Tamatuma kingunerisinnaavaa ilaqutariinnut suliniuteqarnissamik aalajangiinerit imaannaanngitsut tamakkiisumik ilisimasaqarani aalajangiunneqarsinnaaneri.
Kommunini isumaginninnermik siunnersortit aamma ilaqutariit meeqqallu kalaallit akornanni ajornartorsiutit tamakku pitsaaliorniarlugit, Folketingi nuna tamakkerlugu atuuttussanik siunnersuisartoqatigiinnik pilersitsinissamut aningaasaliivoq.