Siammartoq – inuusuttunik ilinniartitsineq

Nammineq nukissaqarfiit tappifigalugit

Kalaallit inuusuttut Danmarkimiittut amerlanersaat ingerlalluarput. Kisianni aamma suli amerlavallaat ingerlalluanngillat. Taakku tassaapput inuusuttut angerlarsimaffimminnit sumiginnagaanermik misigisaqarsimasut, atuarnerminnit nuanninngitsunik misilittagaqartut aamma inuunerminni inorsartutut naleqqussarniapiloortutullu misigisartut. Iluatsitsisinnaanertik upperilersinnaanngilaat.  

’Siammartoq’ inuusuttunik taakkunannga ilinniartitsinermik ingerlatsiffiuvoq, tamatumani inuusuttut toqqissisimasumik ataatsimooqatigiiffimmi namminneq nukissarisamik paasilernissaannut aamma namminneq kajumissusertik naapertorlugu sulisut allat atorfeqartitallu peqatigalugit suliniutinut assigiinngitsunut peqataanissaminnut periarfissinneqartarput. Ilutigisaanik inuusuttut ilinniarnermik ingerlanerani namminneq inuttut ineriartornerminni atorsinnaasaminnik pisinnaasaqalerlutillu ilisimasaqalersarput.

Ilinniarneq sapaatip-akunnerisa naanerini arfineq-pingasuni ingerlanneqartarpoq, inuusuttut katerisimaarnerminni ilinniartinneqartarlutik pinngortitamilu sammisaqartinneqartarlutik, ataatsimooqatigiiffinnut pisussaaffeqarfiusunut isumaqarluartunullu peqataanissamut piginnaanngorsartarlutik, namminnerlu inunnut allanut naleqassusertik pingaaruteqarnertillu paasilersarlugu. Ilinniarnermut aammattaaq ilaapput nammineq kajumissuseq naapertorlugu suliniutini sungiusarluni sulinerit, tamatumunnga ilanngullugit Kalaallit Meerartaasa nammineq suliniutaanni sungiusarluni sulinerit. Tamatuma inuusuttut tigusaasunik misilittagaqalersittarpai aamma inuusuttut peqatigiiffeqarnikkullu inuunerup akornanni ikaarsaariarfissiisarluni.

Siammartoq Velux Fondenimit tapiiffigineqartarpoq. Esbjergip, Aalborgip aamma Aarhusip kommunii suleqatigineqarput, taakkualu piffissamik ilisimasanillu tapiissuteqartarput.