Suulut Najortiuvoq
Suulut sillimaniarnermut inspektøruvoq Kangaatsiamilu nunaqarfinnilu sisamani sillimaniarnermut akisussaasuulluni, tamatumali saniatigut aamma Najortiuvoq, meeqqat kommunimik naapeqateqarneranni illersuisuusarluni.
”Meeqqat inuusuttullu ikiorsinnaanerat uannut pingaaruteqaqaaq, aamma meeqqat inuusuttullu isumaginninnikkut kommunimi suliassaalersut inersimasumik ingiallorneqarnissartik annertuumik pisariaqartittarpaat”, taama oqarpoq Suulut. Meeqqamut tunngatillugu suliaq pillugu meeqqamik erseqqissumik paasititsisarnermi saniatigut suliap eqqortumik suliarineqarnissaa Suulup qularnaartarpaa, namminerlu suliassamisut aammattaaq isigalugu tatigeqatigiinnermik toqqissisimanermillu meeqqap misigisaqarnissaa.
”Meeqqat illersukkakka eqqissisimasanngeqaat, taamatullu kommunimi suliassaalerneq paatsuunganarlunilu imaannaanngittaqaaq”, Suulut oqaluttuarpoq.
Suliat meeqqallu tamarmik assigiinngitsuupput
Suulut ukiuni sisamani Najortiunermini arlalinnik suliaqarnikuuvoq, suliakkerneqarnissanilu qilanaarisarlugu, meeqqap suminngaanneersuunera apeqqutaatinnagu.
”Meeqqat assigiinngittaqaat, kisianni oqaloqatigigaangakkit malugisarpara ataqqeqatigiinnermik pilersoqartoq. Nalunngilaat namminneq pillutik najuuttunga, naak ilaanni immitsinnut ungasittaraluarluta, taamaallaallu oqarasuaatikkut videokkulluunniit oqaloqatigiissinnaasaraluarluta”, Suulut oqaluttuarpoq.
Søren Brønlund 57-inik ukioqarpoq inuusuttuunerminiillu Kangaatsiami najugaqarluni. Suulut inersimasunik arfineq-pingasunik meeraqarpoq arfineq-marlunnillu ernutaqarluni.
Sillimaniarnermut inspekøriunermi, atuarfimmilu siulersuisunut siulittaasuunermi saniatigut Suulut sulorarnermik meeqqanik sungiusaasarpoq. Timersorneq meeqqanut inuusuttunullu immikkut pingaaruteqarpoq. Namminiulluni anersaartulaarnissamut periarfissiisarpoq, aammali timersornerup meeqqat eqqarsaatimikkut ukkassisinnaanngortittarpai ikinngutaalluartuunissaannillu ilinniartillugit. Meeqqat inuusuttullu ukiut ingerlanerini sungiusartarsimasami ilarpassui maanna inersimasuupput, nuannaarutigisarparalu inuuneranni allanngueqataalaarsinnaasimangama”.
Najortiuneq tassaavoq meeqqamut allanngueqataaneq. Najorti tassaavoq ilinnik tasiuillunilu illersortaasoq. Najorteqartitsisarneq pillugu annertunerusumik paasissutissaqarpoq uani