Nuannatereernerup kingorna suliassaq tullinnguutissaaq
Arfininngornermi unnukkut Peqatigiiffik Kalaallit Meerartaat Aalborgimi Musikkens Hus-imi persuarsiornartumik aaqqissuussisoqarnerani nersornaaserneqarpoq. Nersornaasigaanermut atatillugu annertungaatsiartumik maluginiarneqarpugut, tamannalu nuannatereernerup kingornagut TV-kullu immiussissutit qamereernerisugut aammattaaq ingerlaannartariaqarpoq.
Kalaallit meerartaasa atugarisaat qitiutillugit”Soorunami pineqartup malitsigisaanik takussaanerput nuannaarutigaarput. Pitsaasuullunilu pingaaruteqarpoq inuit amerlanerit Peqatigiiffik Kalaallit Meerartaat suliaalu pillugit eqqummaarinnerulernerat. Kisianni pingaarnerpaavoq allannguinerpaasinnaallunilu eqqummaarinnerulernerup tamatuma kalaallit meerartaasa atugarisaannut saatinneqarnissaa. Ataqqinartorsuup kunngissap nuliata peqatigiiffiup meerartaasa ilaannik naapeqateqareernermi kingorna, pigiliutiinnarlugit isummereertarnerit meeqqat naammattoortakkamittut oqaluttuarisaat annilaarutigalugit oqarnermigut qallunaanut nalunaarutigaa, tamanna allanngortittariaqartoq. Tamanna uagutsinnut pingaaruteqaqaaq”.Pigiliutiinnarlugit isummereertarnerit unitsitsigitNeriuutigaara nersornaasigaanerup ilaatigut kingunerissagaa, pigiliutiinnarlugit isummereertarnerit unitsinneqarnissaasa isiginiarneqalernissaat. Tamanna kalaallit meerartaannut Danmarkimi peroriartortunut pingaaruteqassaqaaq”.Ataqqinartorsuaq Kunngissap nulia Peqatigiiffik Kalaallit Meerartaanni inuusuttunik naapeqateqarpoq. Tassani pigiliutiinnarlugit isummereertarnerit naammattoortakkatik oqaluttuarivaat. Takukkit uani