Najortinngorusuppit?
Aaqqissuussineq Najorti meeqqanik illersuisussaqatigiinneersunik isumaginninnermik suliaqarnermik misilittagaqarluartunik inuttalersugaavoq, taannalu Peqatigiiffik Kalaallit Meerartaat-mit pilersinneqarpoq. Kalaallit Nunaanni meeqqat inuusuttullu isumaginninnermi imminnut tunngasunik sulianik ingerlatsinermi peqataatinneqartarnissaannik qulakkerinninneq Najortinit akisussaaffigineqarpoq.Najortit inersimasuupput isumaginninnermik suliaqarnermik misilittagaqarluartut, suliassallu uku tunngavigalugit akissarsiaqartinneqartarput:
- Meeqqamik oqariartuutaanik illersuineq, taamatuttaaq nammineq inersimasulluunniit allat isumaannik aallaaveqanngitsumik tunngavilersuineq
- Meeqqamut kommunineersumik oqaloqateqartussamut piareersaqatigiinnikkut peqataanikkullu tapersersuineq
- Meeqqap allagaatit imaannik paasinninnissaanut ikiuunneq pisariaqarpallu naammagittaaliuteqarsinnaatitaaneq
- Meeqqap pisinnaatitaaffini pillugit paasinninnissaanut ikiuunneq
- Suliamik ingerlatsisoqarneranik ingerlatsisoqalernissaanilluunniit qulakkeerinninneq
- Meeqqamik meeqqallu isumaanik akuersaarneq
- Meeqqap kissaatiminik pisariaqartitaminillu nassuiaanissaanut tapersersuineq
Najortinngornissannut piumasaqaatit:
- Kalaallisut qallunaatullu attaveqaqateqallaqqissuuvutit taamatuttaaq oqallorillutillu paasissutissiillaqqinnermik piginnaasaqarputit
- Meeqqanut inuusuttunullu ilungersuasunut sunniuteqaqataanissannut kajumissuseqarputit
- Meeqqanik inuusuttunillu ilungersuasunik oqaloqateqarnissannut sapiutinngilatit
- Suliatigut nutaanik ilikkagaqarnissannut isumaginninnermillu suliaqarnermi suleriutsinik pitsaasunik pilersitseqataanissannut kajumissuseqarputit
Pisortatigoortumik ilinniagaqarsimanissaq piumasaqaataanngilaq. Atorfik inuttassarsiuussarput perorsaasutut, ilinniartitsisutut aamma meeqqanik sullissinermik inatsisilerinermillunniit misilittagalinnut ilinniagaqarsimasunulluunniit naleqquppoq.Najortinngorlaat allat peqatigalugit Najortit suliarisartagaat meeqqat piginnaasaqarfigisassaat pillugit ilinniartinneqarlutillu pikkorissartinneqassaatit. Atorfik inuttassarsiuussarput aalajangersimasumik atorfiunngilaq, massakkullu atorfiit eqqarsaatigalugu Najortitut piffissani nikerartuni atuuffeqartarnissat piareersimaffigissavat. Najortitut ilinniakkamik naammassinnikkuit inuiaqatigiinnik sullissisutut kommunalbestyrelsimit toqqarneqarsinnaavutit.Pinerliisimannginnermut meeqqanillu pinerliisimannginnermut uppernarsaatitAtorfik inuttassarsiuussarput pinerliisimannginnermut meeqqanillu pinerliisimannginnermut uppernarsaatinik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Peqatigiiffik Kalaallit Meerataat meeqqanik pinerliisimannginnermut uppernarsaammik naalagaaffiup politiivinit taamatuttaaq pinerliisimannginnermut uppernarsaammik Poliitnit pissarsiaqareerpat piffissaq atorfiniffiusussaq isumaqatigiissutigineqarsinnaavoq.Suleqataanissannut soquginnikkaluarlutit qanoq suleqataasinnaatiginersutit nalornissutigiviuk? Taamaappat Najortinik innersuussinermut ataqatigiissaarisoq imaluunniit allattoqarfimmi pisortaq Nike Berthelsen; nb@fgb.dk / 534370 allaffigalugu attavigiuk.Paasisaqarnerorusukkuit nittartakkat uku alakkakkit: www.fgb.dk/najorti imaluunniit www.najorti.glQinnuteqaatit Najortimik ilisarnaaserlugu paasissutissallu ilinniagaqarnikkut tunuliaquttannut taamatuttaaq siornatigut suliffigisimasannut, soraarummeersimaninnut uppernarsaatinut il.il. tunngasut Nike Berthelsenimut nassiutissavatit: najorti@najorti.glUlloq qinnuteqarfissaq kingulleq: 15. aprili 2019.