Ilaqutariinnut kalaallinut Café aasaru Randersimi ammassaaq
Kalaallit Meerartaat aasaru nammineq kajumissuseq naapertorlugu ingerlanneqartumik Randersimi café-mik ammaaniarpoq, tassanilu nereqatigiinnerit ataatsimooqatigiillunilu sammisaqartitsinerit ilaqutariit kalaallit ataatsimooqatigiinnerinut sinaakkutaassapput.
Kalaallit Meerartaat Danmarkimi Aalborg-imi, Aarhus-imi, Esbjerg-imi, København-imi Vejle-milu suliniuteqartareerput, maannali aamma Randers-imi neqeroorummik ammaassallutik, tassalu café-mik ilaqutariit kalaallit naapiffigisinnaasaannik, ilaqutariinnut kalaallinut allanut attaveqarfigilersinnaasaannik aamma unamminartunut ulluinnarni naapittakkaminnut naleqqiullugu ikiorserneqarfigisinnaasaannik.
Gunver C. Justesen Kalaallit Meerartaannik suliniummi aqutsisuuvoq. Oqaluttuarpoq: ”Danmarkimi kalaallit amerlanersaat ingerlalluarput, kisianni arlallit inuiaqatigiinni danskini oqaatsitigut aamma kulturikkut aporfissaqarnertik misigisarpaat. Pingaartuuvoq inuit taakku patajaatsumik toqqissinartumillu attaveqaateqarnissaat aamma unamminartunut naapittakkaminnut ilaannullu ingerlalluarnissaraluannik akornusiisartunut naleqqiullugu taperserneqarnissamut periarfissaqarnissaat.
”Café Nuan -imi namminneq kajumissutsimikkut sulisut siuttuussapput
Randers-imi café, Café Nuan-imik atserneqartussaq kalaallit meerartaanni sulisut saniatigut namminneq kajumissutsimikkut sulisunik arlalinnik sulisoqassaaq. Namminneq kajumissutsikkut sulisut nereqatigiinnerit café-milu sammisaqartitsinerit allat aaqqissuuttarnerisa saniatigut aammattaaq ulluinnarni naammattoortakkanut tunngatillugu ikiuuttassapput, assersuutigalugu e-boks-imut isernissamut imaluunniit allagarsiat paasinissaannut imalunniit meeqqat sunngiffimmi sammisassanut peqataasalernissaannut atatillugu.”Aallartinnissarput qilanaareqaarput”, suliniummik aqutsisoq Gunver C. Justesen oqarpoq, taassuma Randers-imi suliniummut tunngatillugu soqutiginninneq annertooq malugereersimavaa. ”Namminneq kajumissutsiminnik sulisussat, café-p ingerlanneranut siuttuusussat, nassaarineqareerput, kisianni Café Nuan namminneq kajumissutsikkut sulerusuttunik suli amigaateqarpoq”, Gunver oqaluttuarpoq nangillunilu: ” Taamaammat Randers-imi najugallit ilaqutariinnullu kalaallinut allanngueqataarusuttut, uagutsinnut sianiinnarsinnaapput allallutillluunniit”.
Café Nuan Randers-imi Frivilligværket-imi augustimi ammassasoq ilimagisaavoq. Nammineq kajumissuseq naapertorlugu sulerusuttut uunga saaffiginnissinnaapput: Mikkel Wulff Schneider e-mail: ms@fgb.dk imaluunniit oqarasuaat +45 5146 0343 atorlugit.