Nuumnmi Bolette tikilluaqquarput

Bolette ilinniartitsisutut ilinniagaqarpoq ’socialt entreprenørskab’-imilu masteriulluni. Belette-p Kalaallit Meerartaanni Ilaatigut namminneq kajumissutsimikkut sulisut ikorfartortassavai – aasarsiortitsinerni aamma ’Ikioqatigiinnermi’.

Bolette Gram-Hermund Nuummi suleqataalerpoq maannalu Nanortaliliaqqammerluni, tassani aasaq manna aasarsiortitsisoqartussammat. ”Angalalereerpunga, maannalu  namminneq kajumissutsimikkut sulisut siunissamilu suleqatigisassagut ilisariartulerlugit - nuannarilluinnakkattut”, Bolette oqarpoq. 

Bolette namminneq kajumissutsimikkut sulisunik suleqateqartartussaavoq, aasarsiortitsinernut – ukioq manna Nanortalimmi Kullorsuarmilu ingerlanneqartussanut – aamma  ’Ikioqatigiinnerup’ inerisarneranut atatillugu. ’Ikioqatigiinneq’ tassaavoq suliniut, sumiiffinni ataasiakkaani ilaqutariit, meeqqat inuusuttullu pitsaasumik ineriartorfiusumillu inuuneqarnissaat siunertaralugu sulianik ikorfartuiffiusoq. 

Bolette ilinniartitsisutut ilinniagaqarpoq aamma ’socialt entreprenørskab’-imik masteriulluni. Bolette Ringstedimi Ilaqutariit Illuanni – Familiehuset – ilaqutariinnik meeqqanillu siunnersortitut atorfeqarnikuuvoq, kiisalu  NGO-ni ’Børns Vilkår’-imi ’Headspace’-milu sulinikuulluni.