Kinguaariinnut nutaanut inuunitsialak

Ilaqutariit sulliviat

Kalaallit angajoqqaat ilaat namminneq peroriartornerminni atornerluinermik sumiginnagaanermillu ajornartorsiutinik kingunipilutitsinerminnik ikiorserneqanngisaannarput. Meeraanermit kingunipilutsitsinerit kingusissussukkut malitsigisartagaat inunni ataasiakkaani ingerlanerliornermik pilersitsisarput, ilaqutariillu tamaasa kalluartarlugit. Aarhusimi Kalaallit illuanni Ilaqutariit sulliviat, angajoqqaanut ilaqutariinnullu kingunipiluutit katsorsarneqarnikuunngitsut kingusissukkut sunniutigisartagaannik atugaqartunut neqeroorut.

Ilaqutariit sulliviat angajoqqaanik, meeqqanik inuusuttunillu tapersersuillunilu pitsaassuseqarluartumik suliamut tunngatillugu ikiorsiisarpoq, kingunipilutsitsinerit ilaqutariinni kinguaariinniit kinguaariinnut ingerlaartuartut kipitinneqarsinnaaqqullugit, ilaqutariillu oqaluttuamik nutaamik pitsaanerusumillu imminnut – minnerunngitsumillu meerartaminnut  - tunngatillugu pilersitsisinnaaleqqullugit. Ilaqutariit sulliviata sulissutigaa inuit ataasiakkaat ingerlallualernissaat inuunerminnillu piginnaasaqarlualernissaat, angerlarsimaffimmi assortuuttarnerit annikillisarnissaat, qanimut attaveqaatit patajaallisarnissaat aamma inunnik isumaginninnikkut suliffissaqartitsiniarnikkullu neqeroorutinut allanut ikaarsaariarfissaliornissaq.

Ilaqutariit sulliviata makku neqeroorutigai:

• Siunnersuineq ilitsersuinerlu

• Katsorsaassutaasumik oqaloqatigiinnerit

• Angajoqqaatut piginnaanngorsarluni pikkorissarnerit

• Meeqqanik oqaloqateqarnerit pinnguarnikkullu katsorsaanerit

• Inuusuttunut eqimattakkaarlugit ingerlatsinerit (14 – 25-nik ukiulinnut)

• Sianiuteqarfinnut stressertunut aalaneq

• Ataatsimooqatigiinneq, inuttut katerisimaaqatigiinnerit sammisaqartitsinerillu.

Ilaqutariit sulliviat Aarhusimi Kalaallit Illuata, TUBA-p, Center for ADHD-p aamma Kalaallit Meerartaasa suleqatigiissutigivaat. Suliniut uannga aningaasalersugaavoq: Social- og Boligstyrelsen.